আঁধার ঘরত রাত কাডাইয়ুম (রমেশ শীল, চাটগাইয়া গান)
আঁধার ঘরত রাত কাডাইয়ুম,
কারে লই, বন্ধু গেলে গই,
গলাগলি কোলাকুলি,
কইরতাম কত তারে লই।
তেঁ খাইলে আঁইও খাইতাম,
আঁই খাইলে তেঁই,
দুইজনে থাইকতা্ম একসাথেই,
সুখে দঃখে দিনে রাইতে,
থাইকতাম তারে বুকে লই।
তার সঙ্গে মোর চলন-ফিরন,
তার সঙ্গে মোর মেলা,
সদা চইলত প্রেম খেলা,
মোরে করি অবহেলা,
চলি যার কার আশা লই।
আঁর কাট্যা ( ডানা কাটা ) তোতা্র মত,
প্রেমের বান ছিঁড়ি,
যার গই কোন দেশেত উড়ি,
যাইবার কালে মাতাই নো গেল,
এ দুঃখ আর কারে কই, বন্ধু গেলে গই।
হাসি-খুশি, রং-তামশা,
সকলই অসাড়, এইসব দুই'দিনর কারবার,
আঁধার ঘরত পড়ি থাইক্কুম,
খাইল্লা ঘরত পড়ি থাইক্কুম,
সুখের-দুঃখের বোঝা লই, বন্ধু গেলে গই।
রমেশ কয়,
দরদী বন্ধু, যেই দিনে ছাড়িবো,
তোরে আর কনে চাইবো,
বাড়ির বাহির করে দিবো,
ঘরের বাহির করে দিবো,
ভাই-বন্ধু-বোন কাঁধে লই, বন্ধু গেলে গই।